టీడీపీ అధినేత చంద్ర‌బాబు.. త‌న జీవితంలోనే తొలిసారి చేప‌ట్టిన 36 గంట‌ల నిర‌వ‌ధిక నిర‌స‌న దీక్ష పార్టీలో జోష్ పెంచింద‌ని అంటున్నారు. ముఖ్యంగా నిద్రాణంగా ఉన్న టీడీపీలో స‌రికొత్త ఒర‌వ‌డి తీసుకువ‌చ్చిం ద‌ని.. నాయ‌కుల మధ్య అంత‌రాల‌ను త‌గ్గించింద‌ని అంటున్నారు. వాస్త‌వానికి గ‌త ఎన్నిక‌ల తర్వాత.. టీడీపీలో నిస్తేజం ఏర్ప‌డింది. ఎక్క‌డిక‌క్క‌డ నాయ‌కులు.. దూరంగా ఉన్నారు. పైగా గెలిచిన వారిలోనూ న‌లుగురు ఎమ్మెల్యేలు పార్టీకి దూర‌మ‌య్యారు. అంతేకాదు.. ఉన్న‌వారిలోనూ ఎక్కువ మంది పార్టీకి అంటీ ముట్ట‌న‌ట్టు ఉన్నారు. ఈ క్ర‌మంలో వ‌చ్చే ఎన్నిక‌ల నాటికి పార్టీ ఉంటుందా? అనే చ‌ర్చ జోరుగా హ‌ల్చ‌ల్ చేసింది.
పైగా.. చంద్ర‌బాబు వృద్ధుడ‌ని.. ఆయ‌న నాయ‌క‌త్వం అయిపోయింద‌ని.. కొందరు టీడీపీ అసంతృప్త నాయ‌కులు ప్ర‌చారం చేశారు. దీంతో పార్టీ ప‌రంగా ఒక స‌మ‌యంలో తీవ్ర విమ‌ర్శ‌లు ఎదుర్కొన‌క త‌ప్ప‌లేదు. ఈ స‌మ‌యంలోనే క‌రోనా రావ‌డంతో చంద్ర‌బాబు, ఆయ‌న త‌న‌యుడు.. ఇంటికే ప‌రిమితం కావ‌డం కూడా క‌నిపించింది. అయితే.. మ‌ళ్లీ పార్టీ పుంజుకుని..తిరుప‌తి ఉప ఎన్నిక‌లో చంద్ర‌బాబు రంగంలోకి దిగారు. అయితే.. అప్ప‌ట్లోనూ ఓట‌మి తర్వాత.. మ‌ళ్లీ పార్టీలో నిరుత్సాహం ఏర్ప‌డింది. ఇలాంటి ప‌రిస్థితిలో అనూహ్యంగా టీడీపీ పుంజుకునేందుకు దీక్షలు ఉప‌యోగ‌ప‌డ్డాయ‌ని అంటున్నారు ప‌రిశీల‌కులు.
ప్ర‌స్తుతం టీడీపీ వ‌ర్సెస్ వైసీపీ మధ్య జ‌రిగిన వివాదంలో నేరుగా చంద్ర‌బాబు జోక్యం చేసుకుని మంచి ప‌నిచేశార‌ని.. అంటున్నారు ప‌రిశీల‌కులు. నిజానికి ఇప్పుడు క‌నుక ఊరుకుని ఉంటే.. వైసీపీ మ‌రింత రెచ్చిపోవ‌డం అటుంచితే.. టీడీపీ పై ప్ర‌జ‌ల్లో సానుభూతి పెరిగేది కాద‌ని అంటున్నారు. ఈ క్ర‌మంలో చంద్ర‌బాబు దీక్ష‌కు దిగ‌డం.. క‌లిసి వ‌చ్చిన ప‌రిణామంగా చెబుతున్నారు. ఆయ‌న 36 గంట‌ల పాటు ఓపిక‌గా దీక్ష చేసిన వైనం.. అంద‌రినీ క‌దిలించింద‌ని.. ఎవ‌రూఊహించ‌ని విధంగా స‌భ‌కు త‌మ్ముళ్లు క‌దిలి వ‌చ్చార‌ని.. ప‌రిశీల‌కులు చెబుతున్నారు.
అదేస‌మ‌యంలో పార్టీలో నిస్తేజంగా ఉన్న వారు ..నియోజ‌క‌వ‌ర్గాల్లో పార్టీని ముందుకు తీసుకువెళ్తున్న వారు.. భారీ ఎత్తున త‌ర‌లి రావ‌డంతో.. రాష్ట్ర వ్యాప్తంగా టీడీపీ పుంజుకుంద‌నే భావ‌న స‌ర్వత్రా వినిపిస్తోంది. ఇటీవ‌లే సీవోట‌రు స‌ర్వే వ‌చ్చిన నేప‌థ్యంలో ప్ర‌భుత్వంపై ప్ర‌జ‌లు ఆగ్ర‌హంతో ఉన్నార‌నే వాద‌న స్ప‌ష్ట‌మైంది. ఈ క్ర‌మంలో టీడీపీ అధినేత చేప‌ట్టిన దీక్ష‌కు ప్ర‌జ‌ల నుంచి మ‌ద్ద‌తు ల‌భించింద‌ని అంటున్నారు. చాలా చోట్ల వైసీపీ చేప‌ట్టిన జ‌నాగ్ర‌హ దీక్షలు బోసిపోయాయ‌ని స్ప‌ష్టం కావ‌డం.. టీడీపీ నేత‌ల్లో జోస్ పెంచింది. ఇదే త‌ర‌హా వ్యూహాలు కొన‌సాగితే.. ఇక తిరుగులేద‌ని అంటున్నారు ప‌రిశీల‌కులు.
Discussion about this post